En Güzel Aşk Şarkıları

Bize biz bakmalıyız gayriye mi var hacet
Bu bedihi ister mi acep bir hüccet
Hele bir hali görüp mazi nedir fikr etsek
Devr-i ahlafa bakıp bir selefi zikr etsek
Görürüz Fatih'i Yavuz ile Osman Han'ı
Görürüz Hayder-i Kerrar'e misal hakanı
Görürüz alemi dehşetle eden pür zelzal
Görürüz saha-yı sütutda hezar Rüstem Zal
Görürüz kuvvet ü miknetle olan şöhretgir
Görürüz mes'elede vaz edeni bin tedbir
Görürüz akl-i selim hulk-i kerim erbabın
Görürüz ilm ü kemal hüsn ü cemal eshabın
Görürüz adl ü metanetle olan gayre senet
Görürüz hakk-i tevabide eden bezl-i medet
Görürüz ehl-i mürüvvet ile ali siyret
Görürüz türlü mehasın ile pek ulviyyet
Görürüz canını kurban edeni Hak yolda
Görürüz de kalırız anlara nisbet solda